Sera nógvur roykur í Sandoyartunlinum

Hans Eivind Olsen í Skopun var ein av teimum, sum í gjár rendi seg í nógva roykin í Sandoyartunlinum.

Roykurin var serliga við tunnilsmunnan við Gomlurætt og einar tveir kilometrar inn.

- Tað var so tjúkt, at vit máttu slakka ferðina nógv niður. Haldi eg koyrdi millum 20 og 40 km/t, sigur Hans Eivind Olsen.

Hann koyrir næstan dagliga gjøgnum tunnilin, men hevur ongantíð upplivað nakað líknandi. 

- Eg haldi tað var roykur. Tað luktaði eisini sum roykur, sigur hann.

Ongantíð verið so ringt

Eisini Rasmus Olsen úr Havn upplivdi nógva roykin, tá ið hann koyrdi upp móti Gomlurætt í gjár.

Hann hevur ofta upplivað sokallaðan mjørka í tunlinum, men tað hevur ongantíð verið so ringt sum tað var í gjár.

Hoyr innslag í útvarpstíðindunum: 

 

Sí meir um tað sama her.