Dalstunnilin: El-arbeiðið við trygdarútgerð verður boðið út nú

Arbeiðið við bergholinum til Dals nærkast endanum, men hann letur ikki upp  í ár, sum annars var ætlanin. 

Portalarnir og vegabreytin verða gjørd liðug í heyst, og síðan verður asfalterað, sigur Jóhan Christiansen, landsstýrismaður í samferðslumálum, í svari til Jóhannis Joensen, løgtingsmann.

Landsstýrismaðurin sigur, at el-arbeiðið við trygdarútgerð og ljós verður boðið út í oktober, og væntast at verða liðugt til várs, tá ið bergholið letur upp, men møguliga kann ferðsla sleppa ígjøgnum fyrr. 

173 milliónir

Samlaði kostnaðurin er mettur at vera 173 milliónir krónur. 

Jóhannis Joensen vildi eisini hava at vita, hvussu gongur at fyrireika bergholið til Tjørnuvíkar.

Til tað svarar landsstýrismaðurin, at bergholið til Tjørnuvíkar er fyrireikað og hevur fingið loyvi, men bíðið verður eftir verklagslóg og játtan.

Sí svarið her.