- Tíðindi, mentan og ítróttur
Størsta nøgdin av ketamini nakrantíð funnin umborð á Norrønu
Størsta nøgdin av ketamini nakrantíð funnin umborð á Norrønu
Løgreglan í Íslandi legði í farna mánaði hald á størstu nøgdina av ketamini, sjey kilo, sum nakrantíð er funnin í einum rúsevnismáli í Íslandi. Ketaminið var umborð á Norrønu
Roynt var at smugla metstóra nøgd av ketamini til Íslands við Norrønu í september
Mynd: Bjarni Árting Rubeksen
14.10.2025 - 12:21
Fýra fólk eru varðhaldsfongslað í einum máli at smugla metstórar nøgdir av ketamini inn í Ísland.
Farið, ið skuldi føra ketaminið til Íslands, var Norrøna.
Talan er um tvær royndir at smugla inn stórar nøgdir av rúsevnum við Norrønu 19. september í ár.
Eftirlitið hjá tollvaldinum og løgreglan funnu rúsevnini.
Sjey kilo
Eitt fólk var tikið við sløkum sjey kilo av kokaini í bilinum, - hann er varðhaldsfongslaður.
Eitt annað fólk var handtikið í Reykjavíkarøkinum, men er latið leyst aftur.
Fyrra málið snýr seg um sjey kilo av kokaini. Tað seinna snýr seg um fimtan kilo av ketamini og fimm kilo av MDMA-krystalli.
Ongantíð áður er so nógv ketamin funnið í einum sakarmáli, skrivar RUV.
Soleiðis sær rúsevnið ketamin út (Mynd: Shutterstock.com)
Er kopiera
Nýggjastu sendingar í ÚV
Nýggjastu sendingar í SV
