Kekkiski venjarin koyrdur eftir tapið í Føroyum

Ivan Hasek hevur fingið fótin sum kekkiskur landsliðsvenjari, eftir 2-1 tapið fyri Føroyum sunnudagin.

Tað skrivar kekkiski miðilin, idnes.cz.

Ivan Hasek tók við sum landsliðsvenjari í januar í fjør, og hevur staðið á odda fyri liðnum í 21 dystum.

Hann hevur vunnið 11 av sínum dystum sum landsliðsvenjari.

Kekkia liggur í løtuni á 2. plássi í HM-undankappingarbólkinum við 13 stigum, eitt stig framman fyri Føroyar á triðja plássi.