Semja um neyðtilbúgving í arbeiðssteðgi

Kommunala arbeiðsgevarafelagið, Fíggjarmálaráðið og Starvsfelagið hava gjørt avtalu um neyðtilbúgving.

Semja var gjørd 8. november í fjør um neyðtilbúgving í sambandi við arbeiðssteðg.

Hon skal tryggja, at lív, heilsa og týðandi samfelagslig virði ikki vera sett í vanda.

Og í gjár var avtalan undirskrivað.

Avtalað er, hvørjar ítøkiligar funktiónir vera undantiknar í arbeiðssteðgi.

Ítøkiliga er avtalað, at undantøk verða givin til at manna samdøgursvaktarskipanina hjá barnaverndartænastunum, til tilbúgvingina hjá sløkkiliðnum og til tilkallivakt til bráðfeingisstøður um vatnveiting, kloakk og gravarhjálp.