- Tíðindi, mentan og ítróttur
Mentanarvirðislønir landsins verða handaðar 21. november
Mentanarvirðislønir landsins verða handaðar 21. november
Kolshøll á Eiði verður karmur um handanina í ár
Mentanarvirðislønir landsins í ár verða handaðar í Kolshøll á Eiði.
Mynd: Eiðis kommuna
31.10.2025 - 09:47
Ársins mentanarvirðislønir hjá landinum vera handaðar í Kolshøll á Eiði fríggjakvøldið 21. november.
Tríggjar virðislønir eru.
Mentanarvirðisløn landsins er 150.000 kr. Hon verður latin fyri at heiðra føroyskt mentafólk sum tøkk fyri útint listarligt avrik.
Heiðursgáva landsins er 75.000 kr. Hon verður latin teimum, sum hava virkað til frama fyri mentanarlig virði, sum hava týdning fyri føroyska mentan, list og mentanararv.
Serstøk virðisløn er 50.000 kr. Hon verður latin listafólki, mentafólki ella felagsskapi eftir landsstýrisfólksins egnu avgerð.
Kringvarpið sendir beinleiðis frá tiltakinum.
Er kopiera
Nýggjastu sendingar í ÚV
Nýggjastu sendingar í SV
