Fróðskaparsetrið flytur úr Sjóvinnuhúsinum

Nú í november noyðist Fróðskaparsetrið at flyta úr Sjóvinnuhúsinum, tí Tórshavnar kommuna, sum eigur húsið, skal sjálv brúka tað.

Fróðskaparsetrið fer at flyta virksemið, sum er á aðru hædd í Sjóvinnuhúsinum í Nóatúni, í lon 3 á Frælsinum 20 og í sokallaðu íbúðirnar á Frælsinum.

Harafrat skal kommunan eisini brúka ein part av fjórðu hædd í Sjóvinnuhúsinum, sum Fróðskaparsetrið leigar. 

Fíggjarnevndin hjá løgtinginum tekur undir við at høvuðsumvæla og umbyggja skúlabygningarnar á Frælsinum.

Hon gevur heimild til eisini at halda útreiðslur til at prosjektera næsta byggistig fram til útboð fyri í mesta lagi 14,5 mió. kr.

Tað verður klárt at bjóða næsta summar.