Mugu gevast at eta steinbít

Steinbíturin ger so týdningarmikið arbeiði á havbotninum, at fólk eiga at gevast at eta hann.

Tað sigur Even Moland, havfrøðingur á norsku havrannsóknarstovninum, við miðilin Klassekampen.

Eftir bert fáum árum eru 5.000 ferkilometrar av taraskógi horvnir út fyri norðurnorsku strondini.

Orsøkin er, at sjógæti, sum nørist av taraplantunum, hevur fingið loyvi at reika frítt eftir at høvuðsfíggindi teirra, steinbíturin, er minkaður nógv.

Gjørdur til at eta skeljadjór

Steinbíturin er serliga gjørdur til at eta skeljadjór við sínum kraftmiklu kjálkum og tonnum. 

Men eftir at fiskurin fór frá at vera ein ikki etandi fiskur til at gerast leskiligur gloypubiti, hevur hann verið veiddur ov nógv.

- Steinbíturin er helst ov virðismikil sum umsjónarmaður fyri vistskipanina til at hann egnaður sum mannaføði, sigur Moland.