Beinir við nýggjum jólasangi

Ungi tónleikarin, Beinir Troest Rasmussen, hevur gjørt nógv um seg innanfyri síðsta árið. Hann er m.a. kendur fyri sangin "Sápubløðran", sum var ein av sangunum á fløguni "Kom við". 

Nú fer Beinir at geva eitt nýtt staklag út. Lagið er eitt jólalag, sum kallast "Kennir tú hesa tíð?", skrivar Portalurin.

Hann sigur við Portalin, at hann sjálvur hevur skrivað lagið. Lagið er sermerkt, tí tað er ikki eitt siðbundi jólalag - Beinir rappar eisini í einum parti av lagnum.

- Tá eg byrjaði at skriva lagið, ætlaði eg, at tað skuldi vera ein lívligur jólasangur. Men tað var ikki fyrr enn fyri stuttum, at eg fann uppá at blanda eitt sindur av rappi uppí.

Sambært Portalinum verður lagið tøkt á iTunes seinni í vikuni.