Løgmaður: Valskeiðið verður ikki full fýra ár

Hetta valskeiðið verður ikki full fýra ár.

Løgtingsval skal vera í seinasta lagi 8. desember næsta ár.

Men tað verður fyrr enn tað, ætlar løgmaður.

Tað riggar ikki at hava val í desember. Desember er jólamánaður, og løgtingið skal avgreiða mllum annað fíggjarlógina í desember, segði Aksel V. Johannesen, løgmaður, í sendingini Vikuni leygardagin.

Hann segði ikki, nær hann vil hava val. Bara, at tað ikki verður 8. desember.

Tá val verður fráboðað, tað kunnu antin løgmaður ella løgtingið gera, skulu ganga í minsta lagi fýra vikur og í mesta lagi fimm vikur, til valdagin.