Rúsevnismálið: Landsrætturin legði eitt ár aftrat

Eisini tann, sum apelleraði revsingina í stóra rúsevnismálinum, fekk harðari dóm í Landsrættinum.

Hann fekk í gjár níggju ár.

Hann fekk átta ár í Føroya rætti í mars.

Dómurin hjá manninum, sum fekk 11 ár í Føroya rætti, var staðfestur í Landsrættinum í síðstu viku.

Maðurin, sum fekk seks ár í Føroya rætti, fekk sjey ár í Eystari landsrætti.

Og maðurin, sum fekk sjey ár í Føroya rætti, fekk í Eystara landsrætti átta ár. 

Ógvusligasta broytingin var tó hjá manninum, sum var frídømdur í Føroya rætti.

Hann fekk átta ár í Landsrættinum.