Treytaða fongsulsrevsing og samfelagstænastu

Maðurin, sum var ákærdur fyri at hava havt samlegu við gentu, sum var yngri enn 15 ár, hevur fingið tríggjar mánaða treytaða fongsulsrevsing.

Og hann skal gera samfelagstænastu í 80 tímar.

Gentan fær 5.000 kr. í endurgjaldi.

Maðurin var ákærdur og er nú dømdur fyri at hava havt samlegu við gentu, sum var yngri enn 15 ár, minst eina ferð í juli 2022.

Játtaði seg sekan

Maðurin, sum er føddur í 2001, játtar seg sekan.

Hann er ikki ákærdur fyri at noyða gentuna til samlegu. 

Men sama, um samlegan er sjálvboðin, er revsivert at hava samlegu við fólk, sum eru yngri enn 15 ár. 

Gentan var stívliga 14 ár, tá samlegan ella samlegurnar var ella vóru. Hon er fødd í 2007.