Argja kirkja: Játtanin til útiøki og bilpláss longd til 2028

Gongd er í málinum um nýggja kirkju á Argjum.

Bíðað verður eftir endaligum loyvi frá landsstýrinum.

Í brævi til Tórshavnar býráð 1. oktober ger kirkjuráðið vart við, at av ymsum orsøkum er byggingin seinkað so mikið, at vandi er fyri, at hon ikki kann byrja í ár.

Býráðið samtykti í gjár at leingja játtanina um fimm milliónir til 31. desember 2028. Hon var annars galdandi til 31. desember í ár.

Tann játtanin er frá 2021.

Pengarnir eru til útiøki og bilpláss. 

Treytin var, at almenningurin sleppur at brúka bilplássið, og byggingin er byrjað í seinasta lagi 31. desember 2025. 

Formaðurin í kirkjuráðnum á Argjum, Rúni Hentze, stillaði ikki upp til kirkjuráðsvalið 4. november.