Rætturin skal gera av, hvør lóg er sterkari

Verða sýslumaðurin og grindaformenninir, sum eru skuldsettir fyri grindadráp í Hvannasundi í summar, ákærdir, skal Føroya rættur gera av, hvør lóg er sterkari - tann um djóravælferð ella tann um grindadráp.

Menninir eru skuldsettir fyri at bróta lógina um djóravælferð.

Ein útlendskur felagsskapur meldaði teir.

Hetta er fyrsta mál sv sínum slagi.

Tað sigur Jóhan Christiansen, landsstýrismaður, í svari til Høgna Hoydal, løgtingsmann.

Verður niðurstøðan hjá dómsvaldinum, at lógin um djóravælferð gongur fram um grindalógina, er vert at umhugsa at broyta lógina um djóravælferð, so tað verður greitt, at hon ikki er galdandi fyri grindadráp, sigur Jóhan Christiansen.