Ákærdur fyri at hótta politiið við byrsu

Ein maður skal í Føroya rætt í morgin, ákærdur fyri at hótta politiið við byrsu.

Hann noktar seg sekan, sigur ákæruvaldið.

Maðurin var tikin í bili á Vestmannavegnum pálmasunnudag, 13. apríl, í fjør.

Politiið koyrdi eina løtu aftan á bilinum og steðgaði honum á Vestmannavegnum.

Vegurin stongdur

Av tí at maðurin hevði vápn, var vegurin stongdur av trygdarávum í fýra tímar.

Eitt annað fólk var í bilinum. Tað kom út, tá bilurin var steðgaður. Ákæruritið umfatar ikki hetta fólkið.

Tá politiið hevði tosað við bilføraran í næstan fýra tímar bar til at taka hann uttan rok.

Politiið segði tá, at maðurin, sum var tikin, hevði brúk fyri hjálp.