Stjórin: Nú byrjar nýtt tíðarskeið í Posta

- Hetta verður byrjanin til nýtt tíðarskeið hjá Posta. 

Tað sigur Edvard Remberg, stjóri, nú Posta gevast við farmaflutningi millum Føroyar og útheimin, og hevur selt Posta Logistics til Blue Water.

 Samstundis miðsavnar Posta seg um kjarnuvirksemið í Føroyum.

Blue Water er altjóða veitari av flutnings- og logistikkloysnum, og hevur meira enn 2.500 starvsfólk og 80 skrivstovur kring heimin.

Posta

Posta hevur havt fíggjarligar avbjóðingar seinnu árini, og farmaflutningurin hjá Posta Logistics bar seg ikki.

Við søluni minkar umsetningurin hjá Posta 30 prosent. Og starvsfólkatalið minkar 10 - 15 prosent.

Hoyr innslag í útvarpstíðindunum: 

Nú arbeiða 70 - 80 starvsfólk í Posta.