Tokvanlukka í Spania kravt 39 mannalív

Talið á deyðum eftir tokvanlukkuna í Spania í gjárkvøldið er nú komið upp á 39 fólk. Boðað verður eisini frá, at 73 fólk hava fingið skaða.

Tað skriva fleiri miðlar, millum annað El Pais.  

Fyrr í morgun var sagt, at í minsta lagi 21 fólk doyðu, tá ið tvey tok í Spania rendu saman. Talan var um tvey snartok, sum stoyttu saman.

Hetta hendi sunnalaga í Spania. Annað tokið var á veg frá Málaga til Madrid, og hitt var á veg frá Madrid til Huelva. 300 fólk vóru í øðrum tokinum og fleiri enn hundrað í hinum.

Nógv fólk hava eisini fingið skaða, og Óscar Puente, spanski samferðslumálaráðharrin sigur, at talið á deyðum kann hækka.

Kannað verður nú, hví tokini rendu saman.