- Tíðindi, mentan og ítróttur
Ferjulegan á Syðradali seinkar eisini nýggju kalsoyarferjuni
Ferjulegan á Syðradali seinkar eisini nýggju kalsoyarferjuni
Ferjan er klár at bjóða út, men útbjóðingin má bíða, til arbeiðið upp á ferjuleguna er liðugt
Sam er álitið á kalsoyarleiðini, og verður tað eftir øllum at døma drúgva tíð aftrat.
Mynd: Strandferðslan.
23.01.2026 - 17:00
Nýggja ferjan, sum skal byggjast til kalsoyarleiðina, verður eisini seinkað av broytingunum, sum skulu gerast á ferjuleguna á Syðradali.
Skipasmiðjan Mest hevur gjørt forprojektið, sum er liðugt.
Nú er eftir at bjóða ferjuna út, men tað má bíða, til arbeiðið við ferjuleguni er liðugt, sigur Dánjal Samuelsen, virkandi stjóri á Strandfaraskipum Landsins.
Dánjal Samuelsen.
Leingi á veg
Nýggja ferjan til kalsoyarleiðina hevur verið leingi á veg.
Forprojektið varð boðið út í desember 2023, og tað útboðið endaði við, at Mest skuldi forprojektera. Tá forprojektið varð boðið út, varð sagt, at ferjan eftir ætlan skuldi vera liðug seinast í 2026.
Tað er so síðani útsett, og nú vit eru komin inn í 2026, er heilt vist, at hon í øllum førum ikki verður liðug í ár.
Hoyr innslag í útvarpstíðindunum:
Nyggj_kalsoyaferja
Er kopiera
Nýggjastu sendingar í ÚV
Nýggjastu sendingar í SV
