- Tíðindi, mentan og ítróttur
Trivnaðarnevndin er liðug at viðgera pensjónsmálið
Trivnaðarnevndin er liðug at viðgera pensjónsmálið
Álit verður nú skrivað, men bæði andstøða og samgonga mugu fáa ta tíð, tað tekur at skriva álitið, sigur nevndarformaðurin
Jørgen Niclasen er formaður í trivnaðarnevndini, sum er farin at skriva álit í pensjónsmálinum.
27.01.2026 - 11:41
Trivnaðarnenvdin er liðug at viðgera málið hjá Margit Stórá, landsstýriskvinnu, um at hækka pensjónsaldurin, men enn er álit ikki skrivað. Uppskotið leggur upp til, at pensjónsaldurin verður 69 ár í 2038.
Síðsti fundur í trivnaðarnevndini um hetta málið var 8. januar.
Jørgen Niclasen, formaður í trivnaðarnevndini sigur, at nú verður tíðin brúkt at skriva álit. Hann sigur, at hann fer ikki at skunda undir partarnar at koma við áliti. Samgonga og andstøða mugu fáa ta tíð, tað tekur at skriva álit, sigur hann.
Eyðgunn Samuelsen er forkvinna í fíggjarnevndini, sum viðger málið um Suðuroyartunnilin. (Mynd: Bjarni Árting Rubeksen)
Suðuroyartunnilin
Hitt málið, sum hevur verið knýtt at málinum um at hækka pensjónsaldurin, er málið um fyrireiking, prosjektering og útboð av Suðuroyartunlinum. Tað er fíggjarnevndin, ið viðger málið. Nevndin fekk longda freist til 18. februar at skriva álit.
Fíggjarnevndin hevur havt fleiri fundir um málið, og fleiri partar hava eisini verið innkallaðir. Ein fundur er settur á skrá afturat. Hann verður 5. februar, og tá eru løgmaður og P/F Suðuroyartunnilini innkallað.
Eyðgunn Samuelsen, forkvinna í fíggjarnevndini, sigur, at ikki er greitt, um fundurin 5. februar verður tann seinasti, áðrenn álit verður skrivað.
Er kopiera
Nýggjastu sendingar í ÚV
Nýggjastu sendingar í SV
