Hámarkið á burðardygdargjaldinum verður strikað

Fyri at gera burðardygdargjaldið í ferðavinnuni lættari at umsita, verður hámarkið strikað.

Hámarkið er 200 kr.

Annars er gjaldið 20 krónur fyri hvørja nátt, sum gist er í Føroyum.

Vinnunevndin hjá løgtinginum heitti á landsstýrið um at strika hámarkið.

Nevndin segði, at nærum ógjørligt er at umsita ásetingina um hámarkið.

Frá 1. februar skulu øll útlendsk ferðafólk gjalda eitt gjald fyri hvørja nátt, ið tey gista í Føroyum. 

Tað er galdandi fyri øll, ið leiga út til ferðafólk, sama hvar ella hvør tað er.