- Tíðindi, mentan og ítróttur
Føroyar økja samstarvið við Kanada um trygd og verju
Føroyar økja samstarvið við Kanada um trygd og verju
Ætlanin er, at Føroyar, Danmark, Grønland og Kanada skriva undir semjuskjal seinni í hesi vikuni
Sirið Stenberg er landsstýriskvinna í uttanríkis- og vinnumálum.
11.02.2026 - 13:13
Føroyar fara at økja samstarvið við Kanada um trygd og verju.
Samstarvið er partur av einum nýggjum semjuskjali um verjumál, sum Grønland og Danmark eisini eru við í.
Ætlanin er at skriva undir avtaluna millum londini á stóru trygdarráðstevnuni í München seinni í vikuni, har Føroyar eisini verða við.
Løgtingið samtykti einmælt í mai 2024 uppskot til samtyktar frá Høgna Hoydal, sum tá var landsstýrismaður, um tjóðartrygdarpolitikk. Tað sigur millum annað, at Føroyar skulu taka egna ábyrgd í trygdar- og verjupolitikki.
Tingið tók sostatt undir við, at landsstýrið arbeiðir við tjóðartrygdarpolitikki, og semjuskjalið er ein liður í tí arbeiðinum.
Hoyr innslag í útvarpstíðindunum:
11022026_Semjuskjal
Er kopiera
Nýggjastu sendingar í ÚV
Nýggjastu sendingar í SV
