Hondbóltsstjørnur vitja við Tjarnir

Elias Ellefsen á Skipagøtu við THW Kiel. Óli Mittún við GOG. Allan Norðberg og Bjarni í Selvindi við Vali. 

Hesar føroysku landsliðsstjørnurnar koma til Føroya við feløgum sínum at spæla venjingarkapping við Tjarnir í august, har H71 bjóðar av og av álvara fær seg roynt.

THW Kiel er sigursvandasta felagið í Týsklandi, og umframt Elias Ellefsen á Skipagøtu spæla stórstjørnur sum Andreas Wolff, Domagoj Duvnjak og Magnus Landin í svarta og hvíta búnanum hjá norðurtýska risanum.

GOG hevur vunnið danska meistaraheitið níggju ferðir, men er minst líka kent fyri at uppala stórar hondbóltsstjørnur. Millum hesar teljast heimsins besti hondbóltsspælari Mathias Gidsel landsliðsfelagin Simon Pytlick.

Í løtuni er landsliðsspælarin Óli Mittún millum størstu talentini í gulu og reyðu búnunum hjá fjónliðnum. Triðja útlendska liðið í venjingarkappingini er íslendska meistaraliði Valur, har Allan Norðberg og Bjarni í Selvindi spæla. 

H71 er hepna føroyska liðið, sum skal royna seg ímóti sterku útlendsku feløgunum við føroysku landsliðsspælarunum í týðandi leiklutum.

Wenzel Nordic Cup verður 13. til 16. august. Enn er ikki greitt, hvussu liðini spæla hesar dagarnar.