Vilja kjakast um ADHD

Í juni verður temadagur í Norðurlandahúsinum um ADHD. Tað eru Gitte Klein og Sune Poulsen, sum fyriskipa tiltakið, og í morgunsendingini søgdu tey, hví tey halda tað vera so alneyðugt at seta sjóneykuna á hetta evnið beint nú.

Tey halda nevniliga, at almenna frágreiðingin um, hvat ADHD er, er alt ov einføld. ADHD verður oftast lýst sum eitt viðføtt og sera arvaligt menningarórógv í heilanum, ið ein hevur alt lívið, har heilivágur verður sagdur at vera hin munabesta viðgerðin.

Gitte Klein og Sune Poulsen seta spurnartekin við, um nakað vísindaligt grundarlag yvirhøvur finst fyri hesi fatanini. Tey ivast í, um hendan fatanin kanska forðar okkum í at skilja, hví børn og ung í veruleikanum mistrívast og sostatt, hvussu vit hjálpa teimum best. Er økta talið á diagnosum kanska farið heilt av sporinum?

Hoyr alla samrøðuna her: