Kanning: Meirilutin vil hava Múlaleiðina

Ein meiriluti av føroyingum vilja hava Múlaleiðina heldur enn Traðardal, tá spurt verður, hvar tunnilsmunnin til Suðuroyartunnilin skal vera í Sandoynni.

Tað vísir ein kanning, sum Spyr.fo hevur gjørt fyri FM1.

Múlaleiðin er tað, sum alternativi Tunnilsbólkurin mælir til, og har munnin er millum Sandsbygd og tunnilsmunnan á Sandoyartunlinum.

44 prosent av teimum spurdu vilja hava hesa farleiðina, sum Sambandsflokkurin eisini mælir til í sínum broytingaruppskoti í fíggjarnevndini.

Múlaleiðin, Suðuroyartunnilin og Múlaleiðin

Traðardalur 17 prosent

Traðardalur er loysnin hjá Tunnilsfelagnum, og hon fær undirtøku frá 17 prosentum av teimum spurdu. Tað er farleiðin, sum samgongan og stórur partur av andstøðuni mælir til.

34 prosent siga seg ikki vita og 4,5 prosent av teimum, sum eru fyri, ynskja hvørga farleið. 20% av teimum spurdu ynskja ongan tunnil.

Kanningin spyr eisini um, hvat føroyingar halda um at hækka pensjónsaldurin. Og har siga tey spurdu greitt nei - 64 prosent siga nei, 30 prosent siga ja.

Løgtingið hevur í løtuni aðru viðgerð av uppskotinum um at projektera og bjóða út Suðuroyartunnilin.