Løgtingsval verður 26. mars

Løgtingsval verður hósdagin 26. mars.

Tað boðaði løgmaður frá í tinginum fyri lítlari løtu síðani.

Tá tingið endaliga hevði samtykt málið um Suðuroyartunnilin, bað Aksel V. Johannesen um orðið og kunngjørdi løgtingsval.

- Álitið millum samgongufólk hevur grundleggjandi ikki verið til staðar, segði løgmaður millum annað í síni fráboðan til løgtingið, og harvið føroya fólk.

Løgmaður segði soleiðis:

Uppskotið hjá løgmanni um at fyrireika, prosjektera og bjóða út Suðuroyartunnilin - Djúpadalsleiðin - var endaliga samtykt við 26 atkvøðum fyri og sjey ímóti.

Broytingaruppskotið fra tingfólkum í andstøðu og samgongu um Múlaleiðina fall. 10 atkvøður vóru fyri, 22 vóru ímóti, og ein var blonk.

Av tí at val er útskrivað var triðja viðgerð av uppskotinum um at hækka pensjónsaldurin tikin av skránni.