Óli toppskjútti og GOG í CL-endaumførini

Við neyð og deyð eydnaðist GOG at spæla javnleik á heimavølli ímóti Eurofarm Pelister og samstundis tryggja sær víðari spæl í Champions League.

Óli Mittún átti stóran leiklut í álopinum hjá dønum. Hann skeyt sjey mál upp á 10 royndir og legði upp til tvey í 28-28 dystinum á Fjóni.

Føroyingurin skoraði síðsta málið hjá GOG til 28-27 í síðsta minutti, men norðurmakedónska liðið kláraði akkurát at javna, áðrenn tíðin fór.

Úrslitið hevur við sær, at GOG skal spæla í røkkstøkk-umfarinum í Champions League.

Hákun West av Teigum og Füchse Berlin hava longu tryggjað sær annaðhvørt fyrsta ella annað plássið í sínum bólki, og tað merkir at týska høvuðsstaðarfelagið lýpur komandi umfarið um og fer beint í fjórðingsfinalurnar saman við Aalborg, Magdeburg og Barcelona.

Füchse Berlin, sum í løtuni er fremst í bólki A - eitt stig frammanfyri Aalborg - spælir seinnapartin á heimavølli ímóti pólska felagnum Kielce.