Sjálvstýri ger enn eina roynd

Sjálvstýri er til reiðar til løgtingsvalið, sum verður hósdagin 26. mars.

Flokkurin leggur nú seinastu hond á valskránna, sum m.a. sigur seg fara at arbeiða fyri ognarskatti á býli, sum ikki verða brúkt sum bústaður.

Sambært seinastu veljarakanningini, sum Spyr.fo gjørdi fyri Portalin, stendur flokkurin til at fáa 2,9 prosent av atkvøðunum, sum kortini ikki røkkur innum tinggáttina.

Seinasta løgtingsval vóru tær 940 atkvøðurnar hjá flokkinum ikki nóg mikið til at sleppa framat valdinum. Tá fekk Sámal Petur í Grund flestar atkvøður. Hann fekk 264 atkvøður. Kristin Michelsen fekk næstflestar, 258 atkvøður.