Løgtingið samtykt fíggjarlógina

Løgtingið samtykti í gjárkvøldið fíggjarlógina fyri 2014.

Allar broytingarnar, sum Fíggjarnevndin var samd um, vórðu samtyktar. Sambært teimum verður hallið í fíggjarlógini næsta ár 219 mió. kr., góðar 30 milliónir minni enn í uppskotinum hjá landsstýrinum.

Andstøðan hevði eisini nógv broytingaruppskot, men tey vórðu feld.

Fíggjarlógin skal hava eina viðgerð afturat.

Atkvøðugreiðslan í gjárkvøldið merkir millum annað, at nú eru 15 milliónir tøkar til P/f Skálafjarðar- og Sandoyartunnil.