Vilja hava nýggja lóg um eykaskatt á vinnuna

Í seinasta lagi í februar skal landsstýrismaðurin í fíggjarmálum koma við uppskoti um at broyta eina lóg, sum løgtingið fer at samtykkja seinni í vikuni.

Meirilutin í Fíggjarnevndini, samgongumenninir, er ikki fegin um at leggja eykaskatt á alivinnuna og fiskivinnuna, sum hava meira enn milliónina í vinningi. Landsstýrið vil hava eykaskattin, sum er 2,5 prosent, upp í sjey prosent næsta ár.

Fastar karmar

Meirilutin í Fíggjarnevndini heldur, at vinnan eigur at fáa fastar karmar at virka undir.

Umboð fyri alivinnuna hevur saman við embætisfólki hjá landsstýrinum arbeitt við at fáa eina varandi skipan fyri skatt og loyvisgjøld hjá alivinnuni. Ein semja er komin undir land. Samgongufelagarnir hjá Jørgen Niclasen halda, at landsstýrismaðurin skjótast tilber og í seinasta lagi í februar 2014 eigur at leggja eitt boytingaruppskot fyri løgtingið.