Vága kommuna bjóðar út grundstykki til íbúðarbygging

Vága kommuna vil hava ein fjølbroyttari bústaðarmarknað í kommununi.

Kommunan bjóðar nú út trý grundstykki til íbúðarbygging í Sandavági.

Stykkini eru 500 fermetrar hvørt.

Tey, sum bjóða, skulu koma við uppskoti um, hvat tey ætla at byggja.

Talan kann vera um eigaraíbúðir, leiguíbúðir ella lutaíbúðir.

Kommunan leggur dent á, at verkætlanin umfatar eitt hóskandi íbúðatal og eisini ymiskar íbúðastøddir.

Prísurin er 320 kr. fyri fermeturin.

Freistin at bjóða er 15. apríl.

Og Vága kommuna tekur støðu til tilboðini á býráðsfundi 28. apríl.