Tilflytarar leita eftir politiskari vitan

Eva Rasmussen er stutt síðani flutt til Føroya, og nú skal hon fyri fyrstu ferð á val í Føroyum.

Men tað vísir seg at vera torført hjá henni at finna vitan um valevnini og teirra politikk.

Hon tekur føroyskt sum annaðmál á Glasi, og er bæði forvitin og áhugað.

Men hvør loftar teimum, sum ikki eru tað. Tað setur hon spurnartekin við.

Saknar eitt yvirlit á einum stað

Sum er fer Eva Rasmussen inn á heimasíðurnar hjá flokkunum fyri at leita sær vitan.

Hetta gerst tó skjótt forvirrandi og óneyðuga torført, tí hon ikki skilir málið til fulnar, og noyðist at brúka Chat gpt, sum hjálp at umseta tekstir til føroyskt.

Við sjey flokkum og 160 valevnum er tað ikki lætt at finna runt í. 

Tí saknar Eva Rasmussen eina síðu har øll valevni, og tað, tey standa fyri, er upplýst.