Norðoya Sparikassi hevði 30 milliónir í avlopi

Norðoya Sparikassi hevði eitt avlop upp á 30,2 milliónir krónur eftir skatt í 2025. 

Tað skrivar sparikassin í tíðindaskrivi.

Tað eru nakrar milliónir minni enn árið frammanundan, tá úrslitið var 47,9 milliónir krónur eftir skatt.

Sambært sparikassanum kemst tað av lægri rentustøði og stakútreiðslum. Leiðslan sigur kortini, at hon er nøgd við gongdina.

Útlánini vuksu við 4,5 prosentum upp í 2,35 milliardir krónur, meðan innlánini øktust við 9,3 prosentum upp í nærum tríggjar milliardir krónur.

Grundraksturin var 34,6 milliónir krónur, sum verður mettur at vera nøktandi.

Sparikassin hevur framvegis gott gjaldføri og sterkan kapital, skrivar Norðoya Sparikassi.