Størri valluttøka á Hálsi

Fyri lítlum hálvum tíma síðani bleiv hurðin latin aftur í Høllini á Hálsi.

Nú skulu atkvøðurnar teljast, og tað verða altso nakrar fleiri enn til seinasta fólkatingsval.

Tí sambært Jóan Peturi Hentze, kommunustjóra í Tórshavnar kommunu, er vallutøkan nakað størri.

Endaliga vallutøkan er í ár 71,4 prosent, og tað er 0,8 prosent størri enn seinast, sigur Jóan Petur Hentze.

Nú skulu allar atkvøðurnar teljast, og um alt gongur eftir ætlan, eru úrslitini klár beint áðrenn klokkan ellivu í kvøld, sigur Jóan Petur Hentze.