Forsøgn: Sjúrður og Anna verða væntandi afturvald

"Hetta verður Landskrona hjá Sjúrður Skaale."

Soleiðis sigur Sólvit Nolsø, viðmerkjari, tá hann var spurdur, um Sjúrður Skaale fer at taka atkvøðumetið, fyri eitt fólkatingsval. 

Og tað er eingin ivi um, at metið verður tikið. 

Sjúrður Skaale hevur longu fingið yvir 3.000 atkvøður, og tá er Havnin ikki upptald. 

Anna Falkenberg hevur fingið yvir 1.800 atkvøður higartil.

Á triðja plássi liggur Høgni Hoydal við yvir 300 atkvøðum.

Ikki útilokað tvey umboð

Spurningurin nú enn, um tað kann koma upp á tal, at Sjúrður Skaale og Javnaðarflokkurin kunnu vinna bæði fólkatingsumboðini. 

Flóvin Eidesgaard, hagfrøðingur, vildi ikki endaliga útiloka tað, tí so nógvar atkvøður eru eftir at blíva upptaldar. Flóvin Eidesgaard helt tað vera lítið sannlíkt, tí nú hevur Sambandsflokkurin tikið dik á seg. 

Men eingin annar flokkur klárar at fylgja við Javnaðarflokkinum og Sambandsflokkinum.