Lógin um eldraøkið løgd fyri tingið

Á fyrsta fundinum í 2014 fer løgtingið at viðgera lógina, sum flytur eldraøkið frá landinum til kommunurnar.

Annika Olsen, landsstýriskvinna, legði í gjár lógaruppskotið um kommunalt samstarv um heimatænastu, eldrarøkt og annað fyri løgtingið.

Sambært lógini skulu kommunurnar í seinasta lagi 1.juli skulu kommunurnar vera skipaðar í góðkend kommunal samstarvsøki og hava fingið skrivliga samstarvsavtalu um, hvussu eldraøkið skal umsitast.

Ætlanin er, at kommunurnar fáa eldraøkið at umsita 1.januar 2015. Samstundis er komið lógaruppskot um heimatænastu eldrarøkt og annað.Fyrsti tingfundurin næsta ár verður týsdagin 7.januar.