Bárður á Steig Nielsen á odda við 43 taldum valstøðum

Tølini broytast alla tíðina, men nú, tá 43 av 57 valstøðum eru tald upp, svarandi til ein fjórðing av atkvøðunum, stendur Fólkaflokkurin til at vera størsti flokkur við 28,8 prosent av atkvøðunum, meðan Sambandsflokkurin stendur til at vera næststørstur við 22,3 prosentum. Javnaðarflokkurin stendur til at fáa 19,9, og Tjóðveldi til at fáa 16,7 prosent.

Men hyggja vit eftir persónligu atkvøðunum, so fær Bárður á Steig Nielsen, formaður í Sambandsflokkinum, flest, 486.

Beinir Johannesen, formaður í Fólkaflokkinum, stendur til at fáa 350, sum gevur honum næstflestar.

Aksel V. Johannesen, formaður í Javnaðarflokkinum, fær triðflestar persónligar atkvøður.