- Tíðindi, mentan og ítróttur
Spyr løgmann um yvirtøkuætlanir
<p>Kristina Háfoss úr Tjóðveldi vil nú hava at vita frá løgmanni, um hann ætlar at biðja donsku stjórnina um at hækka ríkisveitingina, ella um ætlanin er slept.</p><div><br></div><div>Hon hevur sett Kaj Leo Holm Johannesen ein skrivligan fyrispurning um ríkisrættarligu støðuna, nú løgmaður alment hevur boðað frá, at hann vil hava einríkjafelagsskap millum Danmarkar, Føroyar og Grønland.</div><div><br></div><div>Kristina Háfoss spyr løgmann, um hann fer at gera eina ítøkiliga ætlan fyri at yvirtaka øll málsøki til dømis innan 10 ár. Eisini verður hann spurdur, um stig verða tikin at seta uttanríkispolitisku heimildarlógina úr gildi.</div><div><br></div><div>Kristina Háfoss vil harafturat hava at vita frá løgmanni, um hann fer at taka stig til at fáa semju millum allar flokkar á tingi um heildarætlan at skipa Føroyar sum sjálvstøðugt land, og nær.</div><div><br></div>
