Ukraina gjørt avtalu við fleiri lond í Persaraflógvanum

Ukraina hevur skrivað undir trygdar- og verjuavtalu við fleiri lond í Persaflógvanum, sigur Volodymyr Zelenskyj, forseti.

Hann kallar avtalurnar við Saudi Arabia, Sameindu Arabisku Emiratini og Katar fyri ein varða á vegnum.

Fráboðanin kom í dagligu sjónbandaðu røðuni hjá forsetanum í gjárkvøldið. 

Ukraina er eisini í samráðingum við Jordan og Kuvait, og hevur fingið áheitanir úr Barein og Oman, sigur Zelenskyj.

Avtalurnar fevna um, at Ukraina útflytur verjuskipanir, hernaðarliga serfrøði og tøkniliga vitan, meðan samstarvslondini veita Ukraina trygdarsamstarv afturfyri, skrivar NRK.