- Tíðindi, mentan og ítróttur
Fleiri útlendingar gista í AirBnb enn í gistingarhúsum
Fleiri útlendingar gista í AirBnb enn í gistingarhúsum
Flestu stutttíðarleigumálini, 93 prosent, vóru býli, so sum sethús og íbúðir. Hini sjey prosentini vóru eitt nú neyst og húsvognar
Stutttíðarleigan er 12 prosent av søluni til útlendsk ferðafólk. Hon var 152 milliónir kr. í 2024.
Mynd: Hagstovan
01.04.2026 - 10:43
Nógv fleiri útlendingar, sum koma til Føroya, gista í stutttíðarleigumálunum, til dømis AirBnb, enn í gistingarhúsunum.
Men samanumtikið brúktu á leið líka nógv stutttíðarleigumál sum gistingarhús.
Tað skrivar Hagstovan.
Tølini eru frá 2024, tá stutttíðarleigan fyri fyrstu ferð er gjørd upp í Føroyum.
Í 2024 vóru góð 1200 stutttíðarleigumál lýst tøk í Føroyum.
Ein lítil helvt, 45 prosent, vóru tøk meginpartin av tíðini til stutttíðarleigu.
Hin helvtin var tøk av og á.
Sethús og íbúðir
Allar flestu stutttíðarleigumálini, 93 prosent, vóru býli, so sum sethús og íbúðir.
Hini sjey prosentini vóru eitt nú neyst og húsvognar.
Flestu gestirnir, 94 prosent, í stutttíðarleigumálunum vóru útlendingar.
Til samanberingar vóru 62 prosent av gestunum í gistingarhúsunum útlendskir sama tíðarskeið.
Stutttíðarleigan er 12 prosent av søluni til útlendsk ferðafólk, skrivar Hagstovan.
Hon var 152 mió. kr. í 2024.
Er kopiera
Nýggjastu sendingar í ÚV
Nýggjastu sendingar í SV
