Í 1918 skrivaði tann 66 ára gamla Emma Gad bókina "Takt og tone". Hon væntaði sær lítið av henni, men bókin gjørdist ein bestseljari, og meira enn 100 ár seinni kenna mong hana framvegis. Emma Gad staðfesti í 1918, at siðirnir broyttust, og at tey ungu vóru nógv øðrvísi enn tey eldru. Hon skrivaði um kærleika, arbeiðssemi, familjulív, uppaling, peninganýtslu, góðan samrøðusið, veitslur og mangt annað. Ikki skal alt, hon skrivaði, takast bókstaviliga, men heldur lesast við einum smíli, segði hon sjálv. Uni Arge legði til rættis, og Birita Mohr las týddu brotini úr bókini.