- Tíðindi, mentan og ítróttur
Vilja hava løgmann í samráð um sendistovur
<div>Uttanlandsnevndin vil hava løgmann í samráð um sendistovur. Nevndin fer á fundi á dag at orða spurningarnar, sum løgmaður verður biðin um at svara á samráðnum.</div><div><br></div><div>Jákup Mikkelsen, formaður í Uttanlandsnevndini, sigur, at herfyri nevndi løgmaður alment møguleikan fyri føroyskum sendistovum aðra staðni enn har, sum sendistovur eru nú.</div><div><br></div><div>Í samrøðu við Útvarpið tann 18.juni segði Kaj Leo Holm Johannesen, løgmaður, at hann hevði biðið umsitingina hjá sær kanna møguleikarnar at seta á stovn sendistovu í Beijing og Moskva. </div><div><br></div><div>Fyrr hevur løgmaður avgjørt at lata sendistovuna í London aftur fyri at spara og flyta virksemið har til Brússel. Uttanlandsnevndin ætlar eisini at spyrja løgmann um sendistovuna í London í samráðnum. </div><div><br></div>
