Ferðavinnuætlan fyri Vág verður løgd fram í morgin

Ferðavinnuætlanin fyri Vágs kommunu verður løgd fram í Miðlatúni seinnapartin í morgin.

Býráðið samtykti ætlanina 26. mars.

Arbeiðið at orða ferðavinnuætlanina byrjaði í fjør heyst.

Endamálið við ætlanini er at menna eina burðardygga ferðavinnu, sum er bygd á virðing fyri náttúru, djóralívi, heimafólki, vinnulívi og mentanini. 

Ferðavinnan í Vágs kommunu skal skapa virði og trivnað fyri ferðandi, heimafólk og vinnuna, samstundis sum hon verjir og varðveitir tað, sum ger Vágsbygd serliga, sigur býráðið.

Kommunurnar skuldu lata landsstýrinum ferðavinnuætlan á nýggjárinum.