BREDDIN: Lóggávan skal broytast, so sendarar kunnu setast á tey við demens

Í leikinum "Lear Kongur" velur Búi Dam at seta Biritu Mohr, sum hevur alzheimer, aftur á pall. 

Endamálið er at varpa ljós á, hvussu vit viðgera tey, sum onkursvegna eru øðrvísi - og harvið eggja samfelagnum til at hugsa meira um inklusión, sigur leikstjórin, sum eisini er sonur fólkakæra sjónleikaran. 

Í Breddanum í dag varð hugt nærri at nýggja heimildarfilminum "Birita", sum fylgir hesari verkætlanini. 

Spurt var m.a., um tað ber til at geva samtykki við skerdum minni og um har er eitt mark?

Og so bleiv viðgjørt, um vit í Føroyum eiga at duga betri, at rúma ymiskleika. 

Tøknin er ein hin størsta verjan hjá demensraktum, siga Unn Justinussen, næstforkvinna í Alzheimerfelagnum og Pál Weihe, lækni. 

Tey halda, at lóggáva skal broytast, soleiðis at tað er smidligari at seta sendarar á tey, sum hava demes.

Birgit Eliasen legði til rættis. 

Allur Breddin kann hoyrast á KVF Ljóð. 

Breddin logo sendingamynd

Hvat: Breddin
Hvar: Í útvarpinum og á KVF Ljóð
Nær: Týs-, hós- og fríggjardagar kl. 10, og tá tað passar tær á KVF Ljóð
Stroyming: Breddin verður eisini stroymdur á KVF.fo