Væleydnaður bridgefestivalur

Størsta árliga bridge-tiltakið her heima, Tórshavnar Bridgefestival, hevur verið í Dansifrøi í Havn um vikuskiftið, og aftur hesa ferð var tiltakið stak væleydnað, hóast føroyski favoritturin Bogi Simonsen ikki hevði so hepna hond saman við sínum danska makkara Palle Reimann. Teir báðir endaðu heilt afturi sum nummar 21, men sjey føroysk pør endaðu millum 10 tey fremstu pørini, teirra millum bæði nummar eitt og nummar tvey, ávikavist Jákup Hjaltalin - Arnbjørn Sivertsen og Arne Mikkelsen - Dánial Pauli Mohr. Vinnaraparið var Daniel Bang-Ortmann - Jacob Øland úr Danmark.

Bridgefestivalurin í ár var tann sjeyndi í røðini, og hann er vorðin ein væl umtókt várkapping, sum eisini dregur nógvar útlendskar spælarar til sín, eisini nógvar sterkar spælarar í altjóða høpi.

Hoyr innslag: