Samgongan fær væntandi forfólkið í øllum tingnevndum

(Dagført klokkan 13: Tingfundurin niðurlagdur til klokkan 15)

Samgongan fær væntandi meiriluta og forfólkið í øllum løgtingsnevndum.

Tað er greitt, eftir at samgonguflokkarnir og andstøðuflokkarnir hava skipað hvør sín valbólk í sambandi við val av føstu løgtingsnevndunum. 

Samgonguflokkarnir hava tilsamans 22 tingsessir og andstøðuflokkarnir 11. 

Sjey limir skulu veljast í tær seks føstu nevndirnar hjá løgtinginum. Tær eru Fíggjarnevndin, Vinnunevndin, Uttanlandsnevndin, Trivnaðarnevndin, Rættarnevndin og Mentanarnevndin.

Samgongusamráðingar 2022, dagur 8, Johnhard Klettheyggj

Eisini skulu trý fólk veljast í Landsstýrismálanevndina, sum hevur eftirlit við, at løgmaður og landsstýrisfólk halda lóggávuna.

Samgongan millum Fólkaflokkin, Sambandsflokkin og Javnaðarflokkin hevur 22 løgtingsfólk av tilsamans 33. Samgongan umboðar tí tveir triðingar av løgtinginum. 

- Samgongan eigur sostatt tveirtriðingar av øllum nevndarsessunum, sigur Johnhard Klettheyggj, løgtingsstjóri:

Styrkislutfallið millum samgongu og andstøðu, har samgongan eigur tveir triðingar og andstøðan ein triðing av løgtingsfólkunum, ger tað neyðugt við lutakasti, sigur Johnhard Klettheyggj:

Tingfundurin verður tikin uppaftur klokkan 13, og tá verða løgtingsnevndirnar valdar.