Glasir vil sleppa av við Skúlaheimið

Glasir vil sleppa av við raksturin av Skúlaheiminum í Havn.

Tað segði Una Joensen, rektari á Glasi, i Degi og viku í gjárkvøldið.

Upprunaliga vóru tað sjálvsognarstovnar, sum róku Skúlaheimið, og tað gav eitt annað frælsi at reka heimið, sum Glasir ikki hevur.

Skúlaheimið er nú partur av rakstrinum á Glasi, og ein partur av játtanini til Glasir fer til at reka Skúlaheimið, sigur Una Joensen.

Samskifti er við ymsar partar, m.a. Bústaðir, um at yvirtaka raksturin av Skúlaheiminum.

Sí innslag í Degi og viku og samrøðu við nýggja landsstýrismannin í mentamálum, Bárð á Lakjuni, sum var gestur í sjónvarpsstovuni. Hann sigur seg vóna, at ein loysn verður funnin fyri summarfrítíðina.