Strandferðslan talgildir ferðaseðlarnar

Nú ber til hjá allari familjuni at ferðast við 10-túrakorti á øllum leiðum.

Gamla Buscom-ferðaseðlaskipanin frá 1988 fer nú í søguna, og samstundis verða ferðaseðlarnir talgildir

13.08.2012 - 14:35

<p>Strandferðslan fer nú at talgilda ferðaseðlaskipanina, og samstundis verður bygnaðurin í skipanini broyttur soleiðis, at nú verður koyrt í zonum.</p><div><br></div><div>Við nýggju skipanini ber framvegis til at hava kontantavgreiðslu og at nýta kort, eitt nú mánaðåarkort ella skúlakort, sum eru persónlig.</div><div><br></div><div>Strandferðslan hevur í løtuni 10-túrakort, sum eru avmarkað til eina ávísa leið. Nú verður skipanin tann, at brúkarin t.d. kann fylla 500 krónur á eitt kort og fáa avsláttur hvørja ferð, ferðast verður. Kortið er ikki longur persónligt, og tí kann familja nýta sama kort. Haraftrat ber til at ferðast á øllum leiðum.</div><div><br></div><div><b>Koyra í zonum</b></div><div><br></div><div>Leiðirnar verða óbroyttar, og prísirnir verða teir somu. Tó verður bygnaðurin broyttur soleiðis, at nýggja skipanin verður ein zonuskipan. Tað merkir, at ferðast verður í zonum og millum zonur. </div><div><br></div><div>Í fyrstu atløgu verður skipanin sett í verk sum eina roynd fyri Bygdaleiðir í Suðuroynni, men sum frálíður um alt landið. Tá skipanin hevur verið roynt eina tíð, verður hon sett í verk fyri allar oyggjaleiðir umborð á strandfaraskipunum. </div><div><br><div><br></div><div><br></div></div>