Edvard Heen nýggjur formaður í B36

Edvard Heen er nýggjur formaður í fótbóltsfelagnum B36.

Hann var valdur á eykaaðalfundi í gjár, tá Marita Debess Magnussen takkaði fyri seg sum forkvinna.

68 ára gamli Edvard Heen hevur verið í nevndini í felagnum fyrr.

B36 skrivar, at í 2008 var hann sum nevndarlimur partur av bjargingararbeiðnum, tá felagið kom í fíggjarligar trupulleikar. Hann sat í nevndini til kappingarenda í 2010.

Edvard Heen gavst sum stjóri í Almannaverkinum í fjør, tá hann fór á pensjón. Hann byrjaði sum stjóri í Almannaverkinum í 2014.