Fimm fólk hava fingið álvarsligan skaða

Í minsta lagi fimm fólk fingu álvarsligan skaða og 12 vóru løstað, tá tvey tok stoyttu saman tíðliga í morgun nærindis Kagerup í Norðursælandi.

Ein skaðanevnd er á staðnum fyri at fáa greiðu á skaðatilburðinum, og politiið ger kanningararbeiði í sambandi við óhappið.

38 fólk vóru við báðum tokunum, upplýsti Morten Pedersen, politiinspektørur, á kunningarfundi í Helsingør fyrrapartin.

Svøríki er til reiðar at hjálpa, og svenski forsætisráðharrin, Ulf Kristersson, hevur gjørt viðmerkingar til óhappið.

- Eg havi sett meg í samband við danska forsætisráðharran, Mette Frederiksen, og boðið henni hjálp, sigur svenski forsætisráðharrin.