Tveir jødiskir menn stungnir við knívi í London

Tveir jødiskir menn eru stungnir við knívi í London seinnapartin.

Menninir, sum eru í sjeytiárunum og tríatiárunum, hava fingið álvarsligar skaðar, men eru ikki í lívsvanda.

Álopið var í einum grannalagi í norðara parti av London, har nógvir jødar búgva, skrivar BBC.

Tann, ið er undir illgruna fyri at hava framt álopið, royndi eisini at stinga løgreglufólk, sum komu á staðið.

Skuldsettur fyri drápsroynd

45 ára gamli maðurin er nú handtikin, skuldsettur fyri drápsroynd.

- Vit royna nú at fáa greiði á,  hvør maðurin er, og hvønn tjóðskap hann hevur, upplýsir Metropolitan Police.

Í løtuni kennir løgreglan ikki orsøkina til kníválopið, men álopið verður viðgjørt sum ein yvirgangsatsókn.

Seinastu tíðina hava verið fleiri royndir at seta eld á sýnagogur í London.

Bretski forsætisráðharrin, Keir Starmer, segði í undirhúsinum seinnapartin, at álopið er ógvuliga órógvandi, og at álop sum hesi skulu halda uppat.